“Kəpəz” PFK-nın kollektivi Uşaq Evini ziyarət edib


“Kəpəz” Peşəkar Futbol Klubunun üzvləri ənənəyə sadiq qalaraq əlamətdar günlər ərəfəsində Gəncə şəhər Uşaq Evini ziyarət edib. Klubun kollektivi 31 dekabr Dünya Azərbaycanlılarının Həmrəylik Günü və Yeni il bayramı münasibətilə xüsusi qayğıya və diqqətə ehtiyac duyan uşaqlara baş çəkib.

Uşaq evinin sakinləri “Qış nağılı” adlı musiqili-əyləncəli proqramla qonaqların qarşısında çıxış ediblər. Maraqlı süjet xətti və mahnılarla zəngin olan yeni il ovqatlı kompozisiya görüşü unudulmaz məqama çevirib. Uşaqların nümayiş etdirdiyi səhnəciklər tamaşaçılar tərəfindən alqışlarla qarşılanıb.

 

Gəncə klubunun baş məşqçisi Etibar İbrahimov kollektiv adından uşaqları qarşıdan gələn bayramlar münasibəti ilə təbrik edib, ən xoş arzularını çatdırıb. O, uşaq evinə gəlməyin vətəndaşlıq borcu olduğunu bildirib. Kollektiv olaraq hər zaman belə addımlar atacaqlarını və mümkün qədər daha tez-tez ziyarətə gələcəklərini sözlərinə əlavə edib.

 

Görüşün sonunda balacalara bayram şirniyyatı, klubun şərfləri və toplar təqdim olunub. Hədiyyələr azyaşlıların sevincinə səbəb olub. 

 


27.12.2018 11:14

Axırıncı xəbərlər →

Son oyun

12/05/2018 - 19:00

Zirə
2:1

Kəpəz
Zirə İdman Kompleksinin stadionu

Növbəti oyun

20/05/2018 - 17:15

Kəpəz
1:2

Neftçi
Gəncə şəhər stadionu