""Kəpəz”ə gedən yol" filmi təqdim olunub


“Kəpəz” Peşəkar Futbol Klubunun 60 illik yubileyinə ilk töhvəni “Aran Film” Yaradıcılıq Mərkəzi verib. Mərkəz tərəfindən tarixi hadisəyə həsr olunan ""Kəpəz”ə gedən yol" sənədli filmi istehsal olunub.

 

Film artıq Gəncədə ictimaiyyətə təqdim edilib. Nümayişdən öncə yaradıcılıq mərkəzinin bədii rəhbəri, filmin ideya müəllifi olan Tahir Əliyev  beyin məhsulunun necə filmə çevrilməsindən danışıb. Gəncə futbolu haqda fikirlərini bölüşərkən, “Kəpəz”in Azərbaycan futbolunun lokomotivi olduğunu vurğulayıb. Gəncə şəhər Gənclər və İdman Baş İdarəsinin rəisi Müşviq Cəfərov isə filmin ərsəyə gəlməsində əməyi olanlara təşəkkür edərək, “Kəpəz”in 60 illiyində Gəncənin “Avropanın İdman Şəhəri” titulunu daşımasının olduqca əlamətdar hadisə olduğunu deyib.

 

Filmin premyerasında Gəncənin futbol ictimaiyyətinin nümayəndələri, Peşəkar Futbol Liqasının, “Kəpəz” PFK-nın əməkdaşları və digər qonaqlar iştirak edib.  Komandanın keçdiyi şərəfli yolu əks etdirən və davamiyyət müddəti 40 dəqiqə olan filmdə müxtəlif dövrlərdə “Kəpəz”in şərəfini qorumuş futbolçular ön planda yer alıblar. Bu mənada veteranlardan Müzəffər Qasımov, Nurəddin Əliyev, Vahid Abbasov, Səfər Rəhimov, Asim Xudiyev, Maşallah Əhmədov, Asif Əliyev, Mehman Allahverdiyev, Şahin Diniyev, Vəli Qasımov, Yunis Hüseynov və başqaları tarixi vərəqləməklə, unudulmaz xatirələri bölüşüblər.

 

Xatırladaq ki, bu il Azərbaycanda ikinci, Gəncədə isə peşəkar səviyyədə ilk futbol klubunun yaradılmasından 60 il ötür. 1959-cu ildə “Toxucu” adı ilə fəaliyyətə başlayan “Kəpəz”in sələfi  futbolumuzun tarixində yeni dövrün başlanğıcını qoydu.

 

""Kəpəz”ə gedən yol" sənədli filminin Bakıda da nümayişi nəzərdə tutulub.


20.02.2019 16:48

Axırıncı xəbərlər →

Son oyun

12/05/2018 - 19:00

Zirə
2:1

Kəpəz
Zirə İdman Kompleksinin stadionu

Növbəti oyun

20/05/2018 - 17:15

Kəpəz
1:2

Neftçi
Gəncə şəhər stadionu