Meydançaya ot toxumları əkildi


Gəncə şəhər stadionunun əsas meydançasının dəyişdirilməsi prosesi davam edir. May ayının 11-dən başlanan işlər AFFA-nın vəsaiti hesabına İrlandiyanın SİS şirkəti tərəfindən aparılır.

Son tamamlama işlərindən - qumla torfun qarışdırılaraq əraziyə verilməsi və gübrə tökülməsindən sonra ot toxumlarının səpilməsinə başlanıb.  Hollandiyadan gətirilən toxumların əkilməsi xüsusi texnikalarla bir gün ərzində həyata keçirilib.

 

Meydançaya səpini nəzərdə tutulan 2 çeşid ot toxumundan biri uğurla əkilib. Digər növün səpilməsi isə gələn aya planlaşdırılıb. Belə ki, ilk əkilən otlar 3-4 həftəyə çıxacaq, daha sonra isə 2 həftəyə boy verən otların sahəyə səpini olacaq.   

 

Birinci mərhələdə meydana 160 kq toxum verilib. Səpin işlərindən sonra mütəxəssislər tərəfindən ərazi ciddi nəzarətə götürülür, lazımı dərmanlar və gübrələr verilir.

SİS şirkətinin məsul nümayəndəsi Sinan Öztürkün kapazpfc.az saytına verdiyi məlumata görə, bütün işlər qaydasında gedir və meydan oktyabra təhvil veriləcək. 

 


13.07.2017 14:51

Axırıncı xəbərlər →

Son oyun

22/04/2018 - 17:00

Səbail
1:1

Kəpəz
Bayıl Arena

Növbəti oyun

28/04/2018 - 18:00

Qəbələ
-:-

Kəpəz
Qəbələ şəhər stadionu