Yunis Hüseynov: “Uğura köklənmişik”


Bu gün keçirdiyi məşqlə “Kəpəz” evdə “Səbail”ə qarşı keçirəcəyi oyunun hazırlığını başa vurub. Mətbuat və azarkeşlər üçün açıq olan məşq prosesindən sonra komandanın baş məşqçisi Yunis Hüseynov matçla bağlı fikirlərini kapazpfc.az saytı ilə bölüşüb: “Üç oyundur ki, məğlub oluruq. Ona görə gəncəli futbol azarkeşlərini sevindirmək istəyirik. Komandamız uduzduğu matçlarda meydanda pis təsir bağışlamayıb, sadəcə, qol vura bilməmişik. Düşünürəm ki, sabah xal götürə biləcəyik. Futbolçulara inanıram. Uğursuzluq zolağından çıxmaq istəyiriksə, xal qazanmaq mütləqdir. Uşaqların özünə inamını qaytarmaq üçün uğura köklənmişik. Maksimum şəkildə gücümüzü göstərməliyik. Oyuna qaydasında hazırlaşmışıq, əhval-ruhiyyə yaxşıdır. Zədəsinə görə Dieqo Souza komandaya kömək edə bilməyəcək. Digər oyunçular mübarizəyə tam hazırdılar”.   


02.03.2018 19:37

Axırıncı xəbərlər →

Son oyun

12/05/2018 - 19:00

Zirə
2:1

Kəpəz
Zirə İdman Kompleksinin stadionu

Növbəti oyun

20/05/2018 - 17:15

Kəpəz
1:2

Neftçi
Gəncə şəhər stadionu